Sarean gero eta ohituagoak gaude tresna
sozial ezberdinak erabiltzera. Askok Facebookekin eman genituen lehen
urratsak. Gero twitter ezagutu genuen eta hasierak ez baziren izan oso
onak izan azkenean, liluratu gintuen eta hor gabiltza txioka. Denbora
pasa ahala beste aplikazio batzuk aurkitu genituen Pinterest, Instagram,
Foursquare eta abar. Internet sozialaren aurretik bilatzaileak
erabiltzen genituen eta ditugu informazioa lortzeko. Hasieran Yahoo eta
ondoren Google guzti ahaltsua erabiltzen hasi ginen. Eta gaur egun hor
gabiltza informazioa eskatzen. Aipatu ditudan enpresa guztiak doan
eskaintzen dikizgute beraien zerbitzuak. Ez dugu ezer ordaindu beharrik
ondo dakizuenez. Mugikorrean erabiltzen dugun beste sare sozialak
Whatsapp eta Telegram ere debalde erabiltzera ohitu gara. Orduan nondik
ateratzen dute guzti hauek etekina, irabazia? Zer da produktua sarean?
Image courtesy of Poonsap at FreeDigitalPhotos.net
Batek baino gehiagok publizitateaz biziko
direla pentsatuko du. Eta bai hala da. Baina beraien etekinen zati bat
baino besterik ez da. Guztiok ohituta gaude produktu edo zerbitzu baten
truke ordaintzen. Enpresa ia guztiak horrela funtzionatzen dute. Sarean
aldiz ohitura hau irauli dute. Tortilari buelta eman diote. Guk Google
tresnak erabiltzen ditugunean kontratu bat sinatzen dugu. Normalean ez
duguna irakurtzen. Luzea da eta presaka gabiltza behar dugun aplikazioa
erabiltzeko. Irakurtzen ez dugun dokumentu horretan baimena ematen diogu
enpresari guk bertan jarritako informazioarekin negozioa egin dezan.
Eta hau beste enpresa sozialek ere egiten dute. Zerbitzuok debalde
ateratzen zaizkigu? Beste era baten esan da: Gu gara produktua eta gure
informaziotik etekina ateratzen dute.
Debalde dena ez da hain doan ezta?
Kontutan hartu beharrekoa da hau. Ez dute salduko informazio hori guk
geuk jarri dugula, baina bai sare sozialean hainbat pertsonek interesa
dutela gauza jakin batean adibidez. Eta jakin honekin dirutza
ikaragarriak irabazten dituztela. Galdetu Googleri bestela.
Eta honen aurrean zer? Sare sozialak ez
erabili? Ez da hori irtenbidea. Gauza guztiak bezala sentzunez
erabiltzea da komeni dena. Zertarako eta zer helbururekin erabili behar
dugunn galdetu zuen buruei. Eta erabakiak hartu jakinda zer dagoen eta
zer ondorio dakartzan guzti honek.
Aitor Madridek (Telezentro dinamizatzaileak) dio "Gomendio bat. Ez erabili sare sozialak
bizitza pribaturako. Garrantzitsua al da oporretan une jakin batean bizi
duguna lau haizeetara zabaltzea? Gure lagunek opor ostean ikus
gaitzakete bideo eta argazkietan eta ez edozeinek. Hor jarri ezkero
familia edo lagunen arteko argazki eta bideoak auskalo zeinen esku eror
litekeen eta non atera. Jakinarazteko erabiltzen dugun aplikazioan edo
zerbitzuan gainera nahi eran erabiltzeko arriskua dago. Pena merezi du
horrek? Nik lanerako eta ikasteko erabiltzen ditut.
Nire pribatutasuna sarean babesteko nik erabiltzen dudan nabegatzailea Firefox da eta bilatzailea DuckDuckGo. Arrazto guztiak ordenagailutik ezabatzeko berriz CCleaner."
Eta zuk zer neurri hartzen dituzu zure burua babesteko?
Gustuko duzu sarrera hau? Partekatu sare sozialetan. Agian beste post hau interesatzen zaizu ere:
Iturria: Aitor Madrid
iruzkinik ez:
Argitaratu iruzkina
Oharra: blogeko kideek soilik argitara ditzakete iruzkinak.